წინაწინა
ეს დასახლება ერთერთია იმ დასახლებათაგან, სადაც 2008 წლის აგვისტოს ომის შემდეგ საქართველოს ხელისუფლებამ დევნილები ჩაასახლა. წეროვანის დასახლებაში არის 2000 კოტეჯის ტიპის საცხოვრებელი სახლი, თითოეულის ფართი 57 კვადრატული მეტრია. აქ ძირითადად ცხოვრობენ დევნილები ახალგორის მუნიციპალიტეტიდან, დიდი და პატარა ლიახვის ხეობებიდან.
Cerovani-georgia-2014_large
შემდეგიშემდეგი
2007
1 / 22
2014

წეროვანის დევნილთა დასახლება

ეს დასახლება ერთერთია იმ დასახლებათაგან, სადაც 2008 წლის აგვისტოს ომის შემდეგ საქართველოს ხელისუფლებამ დევნილები ჩაასახლა. წეროვანის დასახლებაში არის 2000 კოტეჯის ტიპის საცხოვრებელი სახლი, თითოეულის ფართი 57 კვადრატული მეტრია. აქ ძირითადად ცხოვრობენ დევნილები ახალგორის მუნიციპალიტეტიდან, დიდი და პატარა ლიახვის ხეობებიდან.

განაგრძეთ კითხვა...

2008 წლის 7 აგვისტოს, სამხრეთ ოსეთის სეპარატისტების მხრიდან რამდენიმედღიანი სროლების საპასუხოდ, საქართველოს შეიარაღებულმა ძალებმა დაიწყეს სამხედრო ოპერაცია ქალაქ ცხინვალის ასაღებად. მომდევნო დღეებში სამხედრო დაპირისპირება რუსეთ-საქართველოს ომში გადაიზარდა, რომელიც 5 დღეს გაგრძელდა. რუსმა სახმედროებმა დაიკავეს როგორც სეპარატისტული რეგიონები, ასევე, საქართველოს მიერ კონტროლირებადი ქალაქებიც, მათ შორის ფოთი და გორი. ევროკავშირის ჩარევით, 12 აგვისტოს შედგა შეთანხმება ცეცხლის შეწყვეტის თაობაზე. მომდევნო კვირებში რუსეთის ჯარებმა უკან დაიხიეს, თუმცა ომიდან 6 წლის შემდეგაც არ დაუტოვებიათ საქართველოს ტერიტორია.

რუსული აგრესიის შედეგად, საქართველოს მხრიდან დაიღუპა 230-ზე მეტი სამოქალაქო პირი, მათ შორის ერთი უცხო ქვეყნის მოქალაქე, ჰოლანდიელი ოპერატორი სტან სტორიმანსი. ის 12 აგვისტოს გორის ცენტრში კასეტური ჭურვებით დაბომბვას ემსხვერპლა. 2008 წლის ომის შედეგად, ცხინვალის რეგიონის ქართული დასახლებების 26 000 მცხოვრები დევნილად იქცა.

რაც შეეხება მსხვერპლს სამხრეთ ოსეთის მხრიდან, ზუსტი მონაცემები არ არსებობს და რიცხვები სამოქალაქო მსხვერპლის შესახებ 162-იდან 365-მდე მერყეობს.

საავტორო უფლებები

მარცხენა სურათი:

  • წელი: 2007
  • წყარო: ArcGIS Map
  • ფოტოგრაფი: უცნობი

მარჯვენა სურათი:

  • წელი: 2014
  • წყარო: Google Maps
  • ფოტოგრაფი: უცნობი

თუ გაქვს ინფორმაცია ამ ფოტოზე, ადგილზე ან მოვლენაზე, გაგვიზიარე.

მოიწონეთ ჩვენი გვერდი!

შეიტყვეთ სიახლეები "ქვათა ღაღადის" და სხვა ვიზუალიზაციების შესახებ!

144 144